By: Aine Grace Bravo | July 12, 2019, 6:30PM

via Aksyon Angel Mae Ciudad/Aksyon Reports Afternoon Edition

Maasin, Iloilo — Ginpa-idalum sa state of calamity ang Maasin bangud sa tuman ka damo nga kaso sang dengue.

Ginconfirmar ini ni Mayor Francis Amboy kasunod sang iya ginhingyo nga special session sang Sangguniang Bayan subong nga hapon.

Una na nga ginpahayag ni Amboy nga may duha ka elementary pupils nga naga-edad siyam kag 10 ka tuig ang napatay bangud sang dengue subong nga semana.

Ginabanta man sang alkalde sa 180 na ang dengue cases sa bilog nga banwa.

Ginsuspender ni Amboy ang klase sa tanan nga public elementary kag high schools halin kahapon tubtob subong nga adlaw agud mahatagan ligwa ang pagpanglimpyo sa mga eskwelahan kag kabaranggayan kasunod sang naconfirmar sang taga-Municipal Health Office nga dengue carrier ang mga lamok nga ila gin-examine.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.