By: JoMaque | July 13, 2019, 9:40am
Via Aksyon Mario Gelongo | Aksyon Night Patrol

Iloilo City – Nakastiguhan ang duha ka lalaki nga naghurikap sa alatrasan sang beautician sa Ledesma Street, City Proper kagab-i, July 13.

Suno kay Lou Taganahan, nakibot lang siya sang ginhurikap ni Aster Cris Besa ang iya alatrasan nga iya ginkaakig.

Ginapanindugan ni Taganahan nga gina-trippingan sila nanday Besa kag Jenel Margarico sang Lambunao. Gintuyo pa kuntani nga bastuson sang duha ang kaupod nga babaye ni Taganahan.

Kasunod sini, nag-intra na ang mga kaupod sang beautician kag nakastiguhan ang duha ka lalaki nga pareho nagapanimaho sang ilimnon.

Nagdepensa naman si Margarico nga matambag lang siya kuntani sa kinagamo pero nalakip siya sa nakastiguhan.

Presu sa Police Station 1 si Margarico samtang nagpalagyo naman si Besa.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply