By: JoMaque l July 14, 1:50am

Barotac Viejo–Patay ang 30 anyos nga lalaki sang gintiro sang iya upod sa ilimnan sa Sitio Bangga 13, Barangay Natividad, Barotac Viejo kagab-i, Hulyo 13.

Ginkilala ang napatay kay Gil Bacolinao, 30-anyos, residente sang amo nga lugar.

May pilas sang pagkatiro sa wala nga dughan si Bacolinao.

Suno kay Police Major Joeven Arevalo, hepe sang Barotac Viejo Police Station, magka-upod nga naga-inom inom ang biktima kag ang suspek sa cover court sang gintiro niya si Bacolinao.

Nakapalagyo naman ang suspek nga si Arim Salvadico sang Sitio Bangga 13, Barangay Natividad.

Daan nga hiligut-anon ang motibo sa krimen suno kay Police Major Arevalo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply