15-anyos nga bata ni Lemery vice mayor ligaya apura, na-ospital bangud sa dengue; bise alkalde, nag-apelar sa publiko nga buylugan ang kampanya kontra dengue

By: JoMaque | July 15, 2019

Iloilo — Nag-apelar si Lemery Vice Mayor Ligaya Apura sa publiko ilabe na sa iya banwa nga buylugan ang pagpaninlo agud matapna ang dengue.

Ginhimu ni Apura ang apelasyon kasunod sa pagka-ospital sang iya 15-anyos nga bata nga babaye bangud sa dengue sang Hulyo 2.

Nakagwa na ang bugtong nga bata nga babaye ni Apura sa ospital sang Hulyo 12 matapos nag-estable kondisyon.

Indi masiguro sang bise-alkalde kon sa eskwelahan ukon sa ila balay nakuha sang iya bata ang dengue.

Sang nagligad nga Sabado, Hulyo 13 napatay man ang bata ni anay Janiuay Mayor Jojo de Paula bangud sa dengue.