Asawa, patay sang nasunog ang ila balay sa Passi City

By: JoMaque | July 15, 2019, 11:25am
Via BFP- Passi City

Passi City – Patay si Rosie Huenda, 64 sang nalakip sa nasunog nga balay sa Sitio Tac-on, Gemumua- Agahon, Passi City kagab-i, July 14.

Suno kay Fire Officer 3 Efren Pilarco Jr., imbestigador sang Bureau of Fire Protection –Passi City, wala nagguwa sa ila balay si Rosie sang nasunog.

Base sa imbestigasyon sang BFP- Passi City, nag-inom-inom si Rosie kag iya bana nga si Daniel, 64 antes nagluntad ang sunog. Nag-una tulog si Daniel kag nakibot lang siya sang nabugtawan nga nagkarab-karab na ang ila balkon.

Ginpilit ni Daniel nga magguwa sila sang iya asawa sa ila balay pero nagpabutiyag si Rosie nga luyag niya magpanginmatay.

Naupos ang balay sang mag-asawa kag nalakip sa nasunog ang asawa.

Ginabanta P13,500 ang kahalitan sa sunog.

Gina-imbestigaran pa sang BFP-Passi City ang ginhalinan sang kalayo.