COA 6, nagrekomenda sa city government nga mag-establisar sang Material Recovery Facility sa tanan nga mga barangay

By: JoMaque | July 16, 2019, 8:18am

ILOILO CITY — Ginarekomenda sang Commission on Audit sa City Government nga butangan ang tanan nga mga barangays sang Material Recovery Facility (MRF).

Base sa report, ginpahayag sang COA nga wala gina-impose sang City Government ang pagbutang sang mga MRFs sa tanan nga barangay bilang compliance sa Ecological Waste Management Act.

Ginpahayag man sang COA nga i-monitor sang City Government ang pagbutang sang MRFs, i-identify ang mga barangay-owned properties para sa potential MRF sites kag ipatuman ang MOA sa tunga sang barangay kag junk shop owners.

33 OF 180 BARANGAYS MAY MRF

Sa 180 ka mga barangays, 33 lang ang may Material Recovery Facility.

Suno kay Engr. Neil Ravena sang General Services Office, wala sang lote ang iban nga mga barangay rason nga wala sila sang MRF.

Kinahanglan sang 30×40 square meters nga lote para sa MRF.

Ginpahayag ni Ravena nga kun wala sang MRF, pwede man maka-MOA ang mga barangay sa mga junk shop owners.

May isa naman ka barangay ka naghimo sang MOA sa junk shop. May natalana nga 600,000 pesos ang DENR-EMB para sa MRF sang tatlo ka barangay.

Dugang pa ni Ravena, naga-facilitate lang ang City Government para sa MRF sang mga barangay, bangud ang mga barangay ang may responsibilidad nga magtukod sang ila MRF.

Nauna na gin-report nga base sa COA, padayon nga wala naga-comply ang City Government sa pagbutang sang MRF sa tanan nga barangay.