By: Aine Grace Bravo | July 17, 2019, 11PM

via Aksyon Hotline

Pavia, Iloilo — Wala na sang underwear kag may pilas sa likod sang ulo nga posible igo sang pagkalampos ang 22-anyos nga babaye sang nasapwan sa sulod sang iya kuwarto sa ila balay sa Barangay Purok 4, Pavia kaina sang kaagahon.

Ini ang ginpahayag sang Pavia police base man sa statement sang magulang ni Eira Jane Fabiaña, assistant manager sang Jollibee sa GT Town Center Plaza sa Pavia.

Ginkadtuan sang iya utod nga lalaki si Eira kaina sang aga agud usisaon, pero nakita niya nga bukas na ang mayor nga puwertahan sang balay kag ang puwertahan sang kuwarto sang biktima tubtub nasapwan nga duguon ang babaye.

Wala naman sang patimaan nga ginkawatan ang biktima bangud wala man gin-ukay ang iya pagkabutang sa kuwarto suno sa Scene of the Crime Operatives (SOCO).

Suno naman kay alyas Nene nga isa sa mga boarders sang pamilya Fabiaña, wala sila sang nabatian nga may nagsinggit kagab-i bangud mamunog ang ulan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.