By: Aine Grace Bravo | July 18, 2019, 9PM

via BBB

Guimaras — Patay sang nag-abot sa ospital ang driver sang pribado nga van matapos nakabunggo sa cement mixer nga may karga pa nga semento sa Sitio Wawan, Brgy. San Isidro, Buenavista mga las 11:30 kaina sang aga.

Suno kay Police Master Sergeant Charlie Haro, imbestigador sang Buenavista Police Station, may pilas sa ulo kag tiil ang driver sang van nga ginkilala kay Kevin Intrevencion sang Purok 3 Brgy. Mclain, Buenavista.

Sa initial nga imbestigasyon ni Haro, nagpang-agaw sang lane ang van.

Yara sa custody sang Buenavista Police Station ang driver sang cement mixer nga si Ronald Menor, 33 sang Brgy. Alaguisoc, Jordan.

Padayon nga gina-imbestigaran sang kapulisan ang aksidente.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.