By: Aine Grace Bravo | July 18, 2019, 9PM

via Aksyon Hotline

Pavia, Iloilo — Ginatugyan ni Mayor Luigi Gorriceta sa kapulisan ang matul-id nga imbestigasyon sa pagpatay sa 22-anyos nga dalaga sa sulod sang iya kuwarto sa Barangay Purok 4, Pavia kahapon.

Nagalaum ang alkalde nga madakpan na ang suspek kag mapasakaan sang kaso agud mahatagan sang hustisya ang pamilya ni Eira Jane FabiaƱa.

May persons of interest na suno sa iya ang Pavia police, pero indi man niya mapangunahan bangud sang nagapadayon nga imbestigasyon.

Posible suno sa alkalde nga dumot ang motibo sang suspek sa pagpatay sa biktima bangud sang mga pilas niya sa tangkugo nga agi sang pagkalampos sang matig-a nga bagay base man sa autopsy result.

Una na nagtanyag si Gorriceta sang P100,000 nga reward money para sa makahatag sang impormasyon angut sa suspek sa krimen

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.