By: Aine Grace Bravo | July 19, 2019

via Aksyon Remember When

Iloilo City — Patay si Ernesto Regalado Jr, 45 anyos sang Alalasan, Lapuz sang gintiro sang riding-in-tandem sa Jalandoni Estate, Lapuz kaina sang hapon.

Suno kay alyas Nene nga malapit sa area, nakabati siya sang ginabanta lima ka sunod-sunod nga lupok sang pusil.

Antes sini, may nasiplatan si Nene nga motorsiklo nga may duha ka sakay nga naga-tambay sa atubang sang ila tiangge.

Wala nakita ni Nene ang hitsura sang riding-in-tandem bangud may suksok nga helmet.

Pero nakita niya nga nanaug ang angkas kag gintiro si Regalado sang naglabay.

Gindala sa WVSU Medical Center si Regalado pero gindeklarar nga dead-on-arrival.

Suno kay Barangay Kagawad Sonia Porras nga nakaupod sa pagdala sa biktima sa ospital, may pilas ini sa ulo, dughan, tiyan kag butkon.

Padayon nga gina-imbestigaran sang La Paz police ang motibo sa krimen kag identity sang mga suspek.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.