Lalaki nga nagbisita sa iya nobya, dakup sa drug buy bust operation sa Sta. Barbara

By: JoMaque | July 21, 2019, 9:25am

Sta. Barbara, Iloilo – Dakup sa drug buy bust operation si Ryan John Ortiz, 23 anyos sang Cabugao Sur, Pavia kagab-i, July 20.

Nadakpan siya sa Barangay Cabugao Norte.

Suno kay Police Captain Jose Rey Pabalan, hepe sang Sta. Barbara Police Station, nagbisita sa iya nobya sa Cabugao Norte ang subject.

Isa ka bulan nga gin-surveillance ang illegal nga aktibidad ni Ortiz antes ginpaidalom sa operasyon.

Lima ka sachets sang suspected shabu kag P1,300 nga buy bust money ang nakuha sa subject.

‘WALA SANG BUY BUST’

Wala sang natabu nga buy bust operation suno sa iya nobya nga si Alyas Steph.

Ginapanindugan niya nga updanay sila kada adlaw ni Ortiz kag ginapanginwala nga naangot sa illegal drug trade ang nobyo.

Naga-angkas siya sa motorsiklo ni Ortiz sang ginpadulog sang mga nagpakilala pulis kag gindakop.