Special Inventigation Unit, gintukod ang IPPO agud magtutok sa pagpatay sa 22-anyos nga dalaga sa Pavia

By: JoMaque | July 21, 2019, 9:40am

Iloilo — Nagtukod sang Special Investigation Unit ang Iloilo Police Provincial Office upod ang Pavia Police Station agud magtutok sa pagpatay kay Eira Jane Fabiaña nga nasapwan sa iya kuwarto sa Purok 4, Pavia sang Hulyo 17.

Suno kay Police Major Fernand Limbungan, hepe sang Pavia Police Station, nagpangayo siya sang bulig sa ila higher office agud mapadasig ang imbestigasyon.

Padayon suno sa iya ang pagtipon kag pag-validate nila sang impormasyon.

Nakuhaan naman sang statement ang mga persons of interest lakip ang pamilya sang biktima.

Gin-ako ni Limbungan nga may yara na sila sang testigo nga makahatag sang direksyon sa ila imbestigasyon.

Sensitibo suno sa iya ang motibo sa krimen kag indi pa mahimo mabuyagyag.

Daku man ang mabulig suno sa iya sang kooperasyon sang pamilya agud masolbar ang kaso.