By: JoMaque| July 25, 2019, 8:15am
Via Aksyon Farrah Mae Morano

Cuartero, Capiz – Patay ang tatlo ka mag-utod matapos na-suffocate sa sulod sang tanke sa Barangay Maindang, Cuartero, Capiz kahapon sang aga, Hulyo 24.

Suno kay Police Executive Master Sergeant Arnold Batacandolo, Officer in Charge sang Cuartero Municipal Police Station, una nga nagpanaog si Dodong Vargas agud kuntani limpyuhan ang sulod sang water tank pero wala siya nakaguwa.

Ginsudlan siya ni Cano Vargas para luwason pero wala man ini nakaguwa bangud na-suffocate. Katapusan nga nagpanaog sa tanke si Joson Vargas nga napaslawan man nga makaguwa.

Ginkulbaan ang isa pa gid nila ka upod nga trabahador nga si Raffy Bellocillo rason nga gin-sundan sa sulod sang tanke ang mga mag-utod agud tsekyaron. Pero wala siya naka-tiner sa sulod bangud indi niya maagwantahan ang tuman ka baho.

Gilayon siya nga nagpangayu sang bulig pero wala natabangan ang tatlo.

Gina-imbestigaran pa sang Cuartero police kon may salabton ang construction kumpaniya nga gina-ubrahan sang tatlo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply