By: Aine Grace Bravo | July 25, 2019

via Aksyon Jeremy Brian Valle

Lambunao, Iloilo — Dead-on-arrival sa Doctor Ricardo Memorial Hospital sa Lambunao ang lima ka tuig nga bata nga babaye matapos nahulog ang ginasakyan niya nga motorsiklo sa gutter las 7:30 kagab-i, Hulyo 24.

Suno kay Police Senior Master Sergeant Edward Lesondra, imbestigador sang Lambunao Police Station, naga-angkas si alyas ‘Nene’ sa motorsiklo nga ginamaneho sang iya amay nga si Reymond Pedroso, 35- anyos sang Brgy Ligayada, Lambunao.

Dugang pa ni Lesondra, halin ang mag-amay sa ila balay kag pakadto kontani sa Brgy. Daan-Banwa, apang paglab-ot sa kurbada nga portion sang karsada, nahulog sila sa gutter.

Base sa imbestigasyon sang mga pulis, naka-inum ang amay sa ila balay antes sila maghalin kag wala man sila sang suksok nga helmet.

May bagras sa ulo, tuhod kag bali ang kamot sang amay.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.