By: JoMaque | Hulyo 25, 2019, 9:05am

San Jose, Antique– Patay ang 41-anyos nga babaye sang aksidente nga natiruhan sang iya bana sa San Jose, Antique.

Suno kay Police Lt. Col. Mark Darroca, hepe sang San Jose Police Station, natabu ang insidente sang Hulyo 23 sang gab-i sang nagpauli nga naka-inum ang bana.

Ginpahayag ni Darroca nga nagpinalupok sang pusil ang bana kabangdanan naguwa ang asawa sa ila balay.

Nagpadulong sa tiyangge ang bana nga may ginapangita rason nga ginsundan sang asawa kag gintuyo nga agawon ang pusil.

Samtang naga-agaway, aksidente nga naglupok ang pusil kag naigo ang biktima sa wala nga ilok.

Gindala pa sa ospital ang babaye apang napatay. Gin-kustodiya naman sang San Jose Police ang suspek kag natalana kasuhan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply