Health Secretary Francisco Duque III, nagbisita sa Iloilo kasunod sang dengue outbreak
By: Aine Grace Bravo | July 25, 2019
via Aksyon Aljohn Torreta/Jeremy Brian Valle
Iloilo City — Nag-abot sa Iloilo si Health Secretary Francisco Duque III subong nga adlaw agud personal nga ma-check ang sitwasyon bangud sa dengue outbreak.
Nagbisita si Duque sa mga dengue patients sa WVSU Medical Center, Western Visayas Medical Center, Cabatuan RHU kag Ramon Tabiana Memorial District Hospital antes nagbalik sa Manila.
Nag-upod naman sa press conference sang tiglikum sanday Governor Arthur Defensor Jr, DOH 6 Director Marlyn Convocar kag DOH 6 Epidemiologist Jessie Glen Alonsabe kag nag-abot man sanday Iloilo City Mayor Jerry TreƱas, Iloilo City Congresswoman Jam-Jam Baronda, iban pa nga local chief executives sa iban nga probinsya sa Western Visayas kag mga city, municipal kag provincial health officers.
Ginpahayag ni Duque nga nagpadulong siya sa Iloilo agud ma-assess ang sitwasyon kag makahatag sang asssitance.
Base sa record sang DOH, Western Visayas ang isa sa mga rehiyon nga may pinakamadamo nga kaso sang dengue.
Ang probinsya sang Iloilo ang may pinakamadamo nga kaso sa rehiyon nga nagalab-ut na sa 6,806 base sa record tubtob Hulyo 13 nga may 23 ka napatay. Nakadeklarar na ang probinsya sang state of calamity.