4- tuig nga bata nga babaye sa La Paz, napatay bangud sa dengue

By: Aine Grace Bravo | July 27, 2019

via Aksyon KhenJo Terco

Iloilo City — Patay ang apat ka tuig nga bata nga babaye sa Baldoza, La Paz bangud sa dengue kaina sang kaagahon.

Suno sa lola sang bata nga si Emma, isa ka semana nga naglain ang pamatyag sang bata antes nila ginpa-check up.

Nagdumdom ang lola nga ang nagatubo nga unto sang bata ang rason sang paglain sang iya pamatyag. 

Hulyo 22, Lunes, mga isa ka semana matapos naglain ang pamatyag, ila ginpa-check up ang bata kag nagpositibo sa dengue. 

Hulyo 23 sang ginpa-laboratory ang dugo sang bata pero normal pa ang platelet count. 

Hulyo 24, gin-admit sa Western Visayas Medical Center ang bata. 

Samtang na-admit, nagareklamo sang pagsakit sang tiyan ang bata kag nagasuka. 

Hulyo 26, gintakdan sang oxygen ang bata bangud nabudlayan sa pag-ginhawa.

Napatay ang bata kaina sang kaagahon.