By: Aine Grace Bravo | July 27, 2019

via Aksyon Reports Afternoon Edition

Iloilo — Ginbuylugan sang mga ginikanan, manunudlo kag iban pa nga sektor ang Brigada Eskwela Kontra Dengue sa mga eskwelahan nga sakup sang Schools Division of Iloilo Province.

Ginkalipay ni Schools Division Supt. Mac Aposin nga nangin madinalag-on ang aktibidad nga nahuman kasunod sang hingyo ni Governor Arthur Defensor Jr.

Tuyo sang aktibidad nga malimpyuhan ang palibot kag maguba ang breeding places sang mga lamok.

Ginhingyo sang gobernador ang pagtinlo sa mga eskwelahan bangud madamo nga mga estudyante ang natapikan sang dengue.

Nag-upod man sa clean-up drive ang Iloilo National High School sa syudad.

Ginbutangan sang screen ang mga bintana sang classrooms sa INHS agud indi makasulod ang lamok.

Una na nagpaguwa sang memorandum si Aposin nga nagapahanugot sa mga estudyante nga magsuksok sang long, loose kag light-colored nga bayo kag knee socks agud maproteheran ang ila kaugalingon batuk sa kutot sang lamok.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.