By: Aine Grace Bravo | July 27, 2019

via Aksyon Reports Afternoon Edition

Lambunao, Iloilo — Nagpositibo sa dengue si Mayor Reynor Gonzales, 69 anyos.

Na-confirmar ini sang nagpa-laboratory test ang alkalde sang Hulyo 22.

Ini man ang rason nga wala nakatambung si Gonzales sa post-SONA meeting nga ginpatawag ni Presidente Rodrigo Duterte sang Hulyo 23.

Suno kay Vice Mayor Arvin Losaria, wala sang dapat kabalak-an bangud maayo na ang pamatyag sang alkalde kag nakatambung na sa mga aktibidad angut sa kampanya kontra dengue.

Ginpahanumdom sang alkalde sa iya pagpakig-istorya sa mga ginikanan kag manunudlo sa Brigada Eskwela Kontra Dengue kaina nga dapat padayunon ang pagpanglimpyo bangud wala sang ginapili ang dengue.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.