By: Aine Grace Bravo | July 27, 2019

via Aksyon Hotline

Iloilo — Ginsiraduhan sang Sta. Barbara police ang main office sang Red Subay Gaming Corporation, operator sang Small Town Lotter (STL) sa probinsya.

Kasunod ini sang mandu ni Presidente Rodrigo Duterte kagab-i nga untaton ang gaming operations sang mga ginhatagan sang franchise kag lisensya sang Philippine Charity Sweepstakes Office (PCSO) umpisa subong nga adlaw.

Suno kay Police Captain Jose Rey Pabalan sang Sta. Barbara MPS, may mandu sila halin sa Police Regional Office 6 kag Iloilo Police Provincial Office para ipatuman ang direktiba sang presidente.

Nagpatawag man sang meeting sa mga koridor sa ang operator sang STL sa Iloilo City nga ZFIC Gaming Corporation agud magpahibalo sang pag-untat sang ila operation.

Nagpahibalo man nga mauntat sang operation ang STL Guimaras.

Bisan ang mga Lotto outlets kag STL betting stations ang wala na nag-operate subong nga adlaw kasunod sang mandu sang presidente.

Sa iya mensahe kagab-i, ginpahayag sang presidente nga ang malapnagon nga korapsyon ang rason niya sa pagpauntat sa operasyon sang PCSO games.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.