By: JoMaque | July 28, 2019, 10:15am

Oton, Iloilo — Napuhag ang mga trabahante sang batching plant sang construction Company kag mga residente sang nabatian ang asod-asod nga lupok sa Barangay Pulo Maestra Vita, Oton kagab-i.

Suno sa trabahador nga si Roland, may nagsulod nga duha ka lalaki kag gin-agawan sang pusil ang ila gwardiya.

Indi nila kilala ang duha ka lalaki nga pareho nakasuksok sang fatigue nga bayu kag naka-bonnet.

Ginpasulod sa isa ka hulot ang gwardiya samtang nagpinalupok ang mga suspetsado. Wala nagamit sang mga suspek ang pusil nga ila naagaw sa gwardiya bangud wala ini sang bala.

Gin-gamit sang duha ka lalaki ang ila dala nga pusil sa pagpangtiro.

Na-damaged ang mga equipment sang construction company kag Mitsubishi Adventure nga ginapanag-iyahan sang supervisor.

Suno kay Security Guard Jojie Java, ang supervisor ang ginapangita sang mga suspetsado nga pareho nga tagalog speaking.

Wala sang may napilasan sa insidente.

Blangko naman ang supervisor sa motibo sang insidente. Nagpabutyag siya nga wala man siya sang atraso bisan kay sin-o.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply