1 patay, 1 pilason sang natiruhan sa bilasyunan sa Dumangas; Suspek, wala pa makilala

By: JoMaque | July 29, 2019, 10:10am
Via Aksyon Kikik Enar

Dumangas, Iloilo — Patay si Rhodelyn Doloritos Jr., sang Barangay Sapao sang natiruhan sa bilasyunan sa Calao, Dumangas kagab-i, Hulyo 28.

Samtang pilason naman si Chris Drilon.

Ini ang gin-confirmar ni Police Corporal Terence Soria sang Dumangas Police Station.

Base sa ila initial nga imbestigasyon, may kinagamo nga nagluntad sa bilasyunan.

Posible suno sa iya nga may pagdumtanay sa tunga sang mga biktima kag sang wala pa makilala nga suspek kag nagsugataay ang ila banas sa bilasyunan.

Nakibot na lang ang mga residente sang nabatian ang sunod-sunod nga lupok kag nakita nga duguon sanday Doloritos kag Drilon.

Gindala ang duha sa ospital pero gindeklarar nga dead-on arrival si Doloritos.

Padayon pa ang imbestigasyon sang Dumangas Police.