By: Aine Grace Bravo | July 30, 2019

via Aksyon Hotline

Iloilo City — Nag-umpisa kaina sang aga ang operation “hawan karsada” sang Public Safety and Transportation Management Office (PSTMO) sa pila ka barangay sa syudad.

Kasunod ini sa gin-issue nga memorandum ni DILG secretary Eduardo Año kahapon sa mga local chief executives nga magpatuman sang clearing operations sa mga road obstructions sa sulod sang 60 ka adlaw.

Magluwas sa PSTMO, nag-upod man sa clearing operations ang mga personnel sang Anti-Squatting and Illegal Structure Unit, Office of Barangay Affairs, DPWH, Land Transportation Office kag PNP.

Una nga gin-subject sa clearing operations ang Brgy. Alalasan, Jalandoni Estate kag Don Esteban sa Lapuz kag Brgy. Aguinaldo, La Paz.

Lakip sa mga ginpangkuha nga road obstructions ang trisikad, masitera, trapal kag canopy sang balay kag tyangge.

Gin-demolish man ang daan nga barangay hall sang Alalasan samtang ginmatu-matohan naman guba sang mga trisikad drivers ang ila parking area sa Don Esteban.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.