Guimaras, ginpa-idalum sa ‘state of calamity’ bangud sa dengue

By: JoMaque | July 31, 2019, 1:20pm
Via Public Information and Relations Guimaras

Guimaras – Ginpa-idalum sa state of calamity ang Guimaras duha ka semana matapos gindeklarar ang dengue outbreak.

Unanimously approved sang Sangguniang Panlalawigan ang deklarasyon sa ila regular session kahapon, Hulyo 30.

Halin sang gindeklarar ang outbreak sang Hulyo 12, nabuhinan ang resources sang health facilities.

Kasunod naman sang deklarasyon, mahimo magamit sang probinsya ang portion sang Quick Response Fund para sa mga tikang agud mahagan-hagan ang pagdamo sang dengue.

Base sa record sang Provincial Health Office sang Guimaras halin Enero tubtob Hulyo 20, naka-record sang 893 ka dengue cases nga may tatlo ka napatay sa probinsya. Mas mataas ini sang 1,439% sa 58 ka kaso sa kapareho nga period sang 2018.