‘May direksyon ang kaso’ – Hepe sang Pavia MPS angut sa kaso nga pagpatay kay Eira Jane Fabiaña

By: JoMaque | July 31, 2019, 1pm
Via Aksyon Reports Afternoon Edition

Pavia, Iloilo – Ginahulat sang Pavia police ang resulta sang forensic examination nga ginahimo sang Scene of the Crime Operatives angut sa kaso nga pagpatay kay Eira Jane Fabiaña, 22 sang Brgy. Purok 4 sa amo nga banwa, nga nasapwan sa iya kwarto sang sang Hulyo 17 sang kaagahon.

Suno kay PMAJ Fernand Limbungan, hepe sang Pavia MPS, nakuhaan na nila sang statement ang tanan nga persons of interest.

Gin-ako ni Limbungan nga indi na makita sa Pavia ang trisikad driver nga isa sa mga testigo kag base sa pagpangusisa sang police, nagpauli ini sa iya lugar bangud nakabaton sang pamahug.

Pero gin-athag ni Limbungan nga indi ini sablag sa imbestigasyon bangud nakuhaan na sang statement ang sikad driver kag may iban pa nga mga testigo.

Kumpiyansa si Limbungan nga masolbar nila ang krimen.