Brgy. Kapitan sa Boulevard, Molo, nabalaka sa ginpahayag pagpanggamo sang grupo sang mga pamatan-on

By: JoMaque | August 1, 2019, 9:50am
via Aksyon Brian Valle

Iloilo City — Nagakabalaka si Boulevard, Molo Punong Barangay Virgilio Villanueva bangud sa ginpahayag nga pagpanggamo sang grupo sang mga pamatan-on.

Suno kay Villanueva, naga-inaway ang mga gang halin sa Barangay San Juan, Molo kag mga grupo halin sa ila barangay.

May nasamaran suno kay Villanueva nga barangay tanod sang Hulyo 28 sang kaagahon matapos nagresponder sa ginamo.

Ginpahayag sang punong barangay nga naigo sang bato sa ulo si Tanod Jesus Hellega.

Suno naman kay Police Major Engilbert Banquillo, hepe sang Molo Police Station, ginapalampuwas lang sang grupo ang nagapatrolya nga mga pulis.