By: Aine Grace Bravo | August 2, 2019

via Aksyon Aljohn Torreta

Zarraga, Iloilo — Nagapati si Defense Secretary Delfin Lorenzana nga indi pa kinahanglan ideklarar ang martial law sa Negros Oriental sa pihak sang asod-asod nga kaso sang pagpamatay sa lugar.

Sa interview sang mga katapo sang media kay Secretary Lorenzana sa blessing kag turn-over sang Regional Evacuation Center sa Barangay Gines, Zarraga, ginpahayag niya nga naghagan-hagan na ang insidente sang pagpamatay sa lugar.

Hulaton naman sang opisyal ang rekomendasyon sang Armed Forces of the Philippine, Philippine National Police kag sang natungdan nga Local Government Unit angut sa lihok.

Kun irekomendar sang nasambit nga mga otoridad kag maghingyo man ang natungdan nga LGU, posible ideklarar ang martial law suno kay Lorenzana.

Una na ginpahayag ni Presidential Spokesperson Salvador Panelo nga posible magdeklarar sang martial law si Presidente Rodrigo Duterte sa Negros Oriental kasunod sang asod-asod nga insidente sang pagpamatay sa lugar.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.