3 arestado, 1 nakapalagyo sa buy bust operation sa Molo

By: JoMaque | Agosto , 2019 , 8:45am

Molo, Iloilo City—Tatlo arestado samtang isa ang nakapalagyo sa buy bust operation sa Zone 4, Barangay San Juan pasado las 10:00 kagab-i, Agosto 2.

Ginkilala ang mga nagkaladakpan kanday Renato Dacudao, 39 sang Guzman-Gesena, Mandurriao nga subject sa operasyon, Hermie Sucgang, 41 kag Andy Sucgang, 44 sang San Juan, Molo.

Na-recover sa subject nga taxi driver ang anum ka sachets sang suspected shabu lakip na ang buy bust item, cellphone, pouch, aluminum foil, kag P6,200 nga buy bust money.

Gin-aresto naman ang mag-utod nga Sucgang pagkatapos nadakpan nga naga-roro sa lugar. Nakapalagyo naman si alyas Boboy.

Gin-ako ni Dacudao nga nagagamit siya sang illegal nga droga pero ginpanginwala nga nagabaligya siya.

Suno kay Police Major Engilbert Banquillo, hepe sang Molo Police Station, pila ka semana nga gin-surveillance nila ang subject antes nadakpan subong nga gab-i nga nagakuha sang supply sa Bacolod City.