Mga Badjao sa syudad, plano nga i-rescue kon gab-i agud masipot — EA to the Mayor Hector Alijano

By: JoMaque | August 3, 2019, 8:44am

Iloilo City— Plano i-rescue sang team nga ginabug-usan sang City Social Worker and Development Office (CSWDO), Public Safety and Transportation Management Office (PSTMO) kag Kapulisan ang mga Badjao nga nagbalik sa siyudad kun gab-i agud nga maubos papuli sa ila lugar.

Suno kay Executive Assistant to the Mayor Hector Alijano, nagasaylo-saylo sang ginatulogan ang mga Badjao rason nga nabudlayan sila mag-rescue kun adlaw.

Hibaluon sang City Gov’t ang ila point of origin para ma-preparar ang barko nga pasakyan sa ila antes himuon ang one time big time operation sa pag-rescue sa mga Badjao agud indi magastohan ang siyudad sa pagpakaon sa ila.

Iya ginpahayag nga posible magdamo pa ang mga Badjao sa siyudad kun madugayan ang pagpapuli sa ila bangud may impormasyon nga gina-contact nla ang ila himata sa ila lugar kag ginahaylo nga maayo ang kita sa Iloilo.

Antes matapos ang subong nga bulan, ginalauman ni Mr. Alijano nga mahimo na ang big time operation sa pag-rescue sa mga Badjao.

Padayon pa ang ila monitoring kun diin masami nagatiner ang mga Badjao sa siyudad.