By: JoMaque | August 3, 2019, 8:50 am 
via Aksyon correspondent Jerry Lusanco Medina

Capiz — Nasapwan sang mga trabahador ang mga tul-an nga ginapatihan iya sang tawo sa ginakutkot nga duta para patindugan sang haligi sa covered gym sa Brgy. Casanayan, Pilar sang Hulyo 30.

Suno kay barangay kagawad Glodidy Bance, nasiplatan sang trabahador nga si alyas Boboy ang nagaputi nga bagay samtang nagakutkot sa duta kag una siya nagpati nga iya lang ini sang pakinhason.

Pero sang iya gin-usisa, nakita niya nga mga tul-an ini sang tawo gani ila ginkuha kag ginsulod sa sako.

Nagapati naman si kagawad Bance nga posible ginlubong sa panahon sang mga Katsila ang mga tul-an bangud wala sadtu sang may ginpatindog nga istruktura antes ginpahamtang ang covered gym.

Ginpamisahan sang mga pumuluyo ang mga tul-an kag ginlubong sa public cemetery.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply