DepEd, nagpaguwa sang mensahe sang pagkasubo sa pagkalakip sang 5 manunudlo sa mga napatay sa trahedya sa Iloilo Strait
By: JoMaque | August 5, 2019
Iloilo City — Nagpaguwa sang statement ang Department of Education ukon Dep-Ed Schools Division of Iloilo nga nagasimpatiya sa pamilya sang lima ka manunudlo nga napatay sang nagkulob ang ila ginasakyan nga pumpboat sa Guimaras Strait sang Sabado, Agosto 3.
Naga-unong sa kalisod ang Dep-Ed kanday Ivy Grace Labordo, Ma. Zeny Anilao, Emily Legarda, Lyn-lyn Janolino sang Lambunao National High School kag George Buenavista sang Agcuyawan Calsada Elementary School.
Pauli na ang mga manunudlo pagkatapos nagbisita sa Guimaras State University para magprocess sang ila graduate school requirements sang nagkulob ang MB Jenny Vince bangud sang mabaskog nga pugada.