Pumpboat sa Jordan, Guimaras, nag-capsize; mag-amay nga nagapamukot, nakaluwas
By: Aine Grace Bravo | August 8, 2019
Guimaras — Nakaluwas ang mag-amay nga sakay sang nag-capsize nga pumpboat las kuwatro kaina sang kaagahon sa Barangay Lawi, Jordan, Guimaras.
Nagapamukot si Catalino Vinzon upod sa iya anak sa tunga sang lawod sang naigo sang dako nga balod ang ila sakayan bangud sang pugada ukon ang gulpi nga pagbaskog sang hangin kag ulan.
Naglangoy ang mag-amay pakadtu sa higad sang baybay kasunod sang insidente.
Ginpahayag ni Lawi Punong Barangay Ramon Sonico nga wala na nagpa-ospital ang mag-amay bangud maayo naman ang ila sitwasyon.