By: Aine Grace Bravo | August 8, 2019

Guimaras — Kinahanglan islan sa labing madali nga tiun ang wooden hull sa pumpboats nga ginabiyahe sa Iloilo-Guimaras vice versa kag bayluhan sang fiber glass, aluminum ukon steel.

Ini ang na-istoryahan nanday Governor Samuel Gumarin kag Department of Transportation Secretary Arthur Tugade kasunod sang pagbisita sang tiglikum sa probinsya kahapon.

Kasunod man ini sang natabu nga trahedya sa Iloilo Strait sang Agosto 3 nga nagbilin sang 31 ka patay.

Kon matabu, gin-ako ni Gumarin nga maapektuhan, indi lang ang masobra 400 ka pamilya nga nagasalig sa amu nga palangabuhian kundi maapektuhan man ang ekonomiya sang probinsya.

Ginpahayag sang gobernador nga nangin parte na sang ila kabuhi ilabe na sang mga sakayanon ang pumpboat nga may wooden hull.

Pero kon imandu suno sa iya sang presidente, wala sila sang mahimo.

Maga-apelar si Gumarin nga hatagan lang sila sang tyempo bangud magluwas sa disaster preparation, dapat man nila nga preparahan nga indi mabutang sa peligro ang ekonomiya, kalan-on ang palangabuhian sang mga pumuluyo ilabe na sang transport sector.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.