By: Aine Grace Bravo | August 9, 2019

via BBB

Carles, Iloilo — Ginpa-idalum sa state of calamity ang Carles bangud apektado sang malain nga panahon ang palangabuhian sang mga residente sa 18 ka mga island barangays.

Suno kay Carles Mayor Siegfredo Betita, pagpangisda ang nagapanguna nga palangabuhian sang mga residente, pero pila ka adlaw na nga wala nakapalawod ang mga mangingisda bangud sang dalagku nga balud dala sang habagat. Istrikto suno sa alkalde nga ginadumilian sang Coast Guard ang pagpalawod sang mga residente.

Indi man makatabok pakadto sa main land gani stranded bisan ang mga turista sa mga isla ilabe na sa Gigantes Island.

Halos isa ka semana na nga stranded sa mga isla ang mga residente kag paubos na ang ila mga pagkaun.

Natalana nga maghatag sang bulig ang Local Government Unit sa apektado nga mga residente.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.