By: JoMaque | August 10, 2019, 10:25am

Iloilo City (UPDATE) — Nakilala na ang bangkay nga nasapwan naga-utaw utaw sa lagoon sa compound sang Department of Health 6 sa Barangay Q. Abeto, Mandurriao sang Agosto 8.

Suno kay Police Major Marlon Valencia, hepe sang Mandurriao Police Station, ang bangkay amo si Nelva Golingay, 68-anyos sang Barangay Pontoc, Lemery.

Ginkilala si Golingay sang iya bata nga si Myla Ubales kaina sang kaagahun.

May pasyente sa Western Visayas Medical Center nga ginabantayan si Golingay suno kay Valencia.

Ginpahayag isa ka adlaw na nga wala nakapauli sa ila balay ang natungdan tubtob nga nasapwan nga naga-utaw utaw sa lagoon.

Sa inisyal nga assessment sang mga pulis, ginapatihan wala sang foul play sa pagkapatay ni Golingay bangud wala man siya sang pilas sa lawas.

Nagapadayon ang imbestigasyon samtang ginrekomendar sang police nga nga i-subject sa autopsy ang bangkay.

Ginakuhaan pa sang Aksyon Radyo Iloilo sang pahayag ang pamilya Golingay angut sini.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply