By: Aine Grace Bravo | via Jeremae Ventar

ILOILO CITY, March 9, 2020 — Ginpasalig ni Iloilo City Mayor Jerry Treñas nga himuon sang City Government ang tanan nga masarangan agud malikawan ang coronavirus disease paagi sa pagpatuman sang heightened measures.

Ginpahayag sang alkalde nga sugod subong, magahimo sang briefing sa mga nagkalain-lain nga sector pareho sang mga eskuwelahan, commercial establishments, simbahan, merkado, hotels, subong man sa Liga ng mga Barangay.

May mandu suno sa iya sa mga punong barangay nga mag-monitor sa ila area.

May instruction man ang alkalde sa City Health Office nga i-dentify ang mga lugar nga dapat tutukan, limpyuhan kag i-sanitize.

Una na ginmandu sang alkalde ang pag-postpone sa Summer Arts Festival kag Paraw Regatta, lakip na ang moving-up activities sa Day Care kag tanan nga sports activities sa syudad. 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.