By: Aine Grace Bravo | via Angel Mae Ciudad

LAMBUNAO, Ilo., March 9, 2020 — Patay ang 36-anyos nga lalaki sang gintiro sang iya abyan sa Barangay Maribong, Lambunao kahapon sang hapon, Marso 8.

Ginkilala ang napatay kay Gilbert Labente, may pilas sa alatrasan, tuo nga tiil kag liug.

Suno kay PSSg Ramon Legayada, imbestigador sang Lambunao Police Station, nagkadto sa balay sang biktima ang suspect nga si Jetro Palma kag ginhagad nga mag-inum inom.

Apang pag-abot sang duha sa tiyangge, may pagbina-isay sa ila nga duha.

Nakita na lang sang bata ni Labente nga naga-inaway na ang duha kag gintambagan pa.

Ginpauli naman sang iya bata si Labente, pero nagbalik siya sa guwa.

Nagpauli man sa ilay balay si Palma, pero nagkuha siya sang 12-gauge shotgun, suno kay Legayado.

Liwat nga nagbina-isay ang biktima kag suspek, tubtub nga gintiro ni Palma si Labente. At large si Palma.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.