MORE Electric and Power Corporation, ginakilala sang ERC nga power distributor sa Iloilo City

By: Aine Grace Bravo | via Brian Valle

ILOILO CITY, March 9, 2020 — Ginakilala sang Energy Regulatory Commission ang MORE Electric and Power Corporation nga power distributor sa Iloilo City.

Suno kay ERC Chairperson Agnes Devanadera, ERC ang may bexclusive jurisdiction kun sin-o ang may otoridad nga mag-operate.

Yara man suno sa iya sa ERC ang jurisdiction sa supply sang elektrisidad kag fixing of rates.

Ginpahayag ni Devanadera nga nakadesisyon na ang ERC nga ang MORE Power ang mangin power distribution facility operator sa Iloilo City, kag kinahanglan ini nga sundon.

Gin-athag ni Devanadera nga ang kaso nga pending sa Iloilo RTC Branch 23, confine lang sa expropriation. Samtang ang jurisdiction sa operation sang mga distribution utility yara naman sa ERC.

Wala man sang violation suno sa iya kun nag-operate ang MORE antes ma-release sang ERC ang ila order sang Marso 5 bangud importante nga indi ma-utod ang serbisyo sa power distribution.