By: Aine Grace Bravo | via MalacaƱan Palace

MANILA, March 9, 2020 — Ginpirmahan ni Presidente Rodrigo Duterte ang Proclamation No. 922 nga nagadeklarar sang state of public health emergency sa Pilipinas bangud sang coronavirus disease 2019 (COVID-19).

Ang Proclamation 922 nagapahanugot sa mga government agencies nga ipatuman ang mandatory reporting, pabaskugon ang mga tikang sa pagbato sang virus kag ipatuman ang quarantine kag disease control prevention measures agud ma-contain ang paglapta sang COVID-19. Iga-implementar man ang price freeze sa mga bulong suno sa DOH.

Dumilian naman sang Presidential Security Group ang close contact kay Presidente Duterte bilang precautionary measure.

Suno kay PSG commander Colonel Jesus Durante, ang mga personalidad halin sa mga pulitiko kag dignitaries, i-screen man sang security team sang pangulo agud masiguro nga indi malatnan sang virus ang 74-anyos nga presidente.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.