By: JoMaque | Marso 10, 2020

Iloilo City — Nakapalagyo ang preso sa kustodiya sang Criminal Investigation and Detective Group -field unit sa Mandurriao bangud sang kapabayaan sang nagabantay nga pulis.

Ini ang reaksyon ni National Police Commission 6 Dir. Joseph Celis pagkatapos napalagyuhan sang preso nga si Aldren Balintong ang CIDG personnel sa ila opisina sang Marso 6.

Suno kay Celis, pwede kuntani nga ginpabantayan sang pulis ang guwa sang bintana inkaso magpalagyo ang preso.

Nagakuha pa sang dugang nga impormasyon ang NAPOLCOM 6 sa insidente sa ila imbestigasyon.

Una na ginpahayag ni Major James Allen Dogao sang CIDG-Iloilo City nga ginpahanugutan nila nga maggamit sang comfort room si Balintong bangud nagasakit ang tiyan.

Nagpalagyo si Balintong sa pag-agi sa bintana kag nagsaka man sa atop sang Mandurriao Public Market.

Nadakpan si Balintong sa Barangay Agta, Leon sang Marso 8.

Si Balintong ang may kaso nga rape.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply