By: JoMaque | Marso 10, 2020

Iloilo City — Ginlaygayan sang Department of Health Western Visayas Center for Health Development ang publiko nga mangin kalmado, pero mag-aligmat sa pagproteher sang kaugalingon kasunod sang local transmission sang COVID-19 sa pungsod.

Ginpasiguro sang DOH 6 nga wala sang kumpirmado nga kaso sang COVID-19 sa Western Visayas, as of March 9, 2020.

Suno kay Dr. Marlyn Convocar, Director sang DOH 6, may 42 ka persons under investigation (PUIs) sa rehiyon halin Enero 2020 –40 ang negatibo sa COVID-19 base sa resulta sang ila test, may lain nga respiratory pathogens nga na-detect sa isa samtang ginahulat pa ang lab test sang isa pa.

Ginpahanumdom ni Convocar ang pag-practice sang self-protective measures, lakip na ang paglikaw sa masami nga pagtandog sang guya.

Naga-coordinate ang DOH 6 sa mga local government units kag iban pa nga health facilities para malikawan ang virus sa local level. Ginpabaskog man ang infection kag prevention control measures kag surveillance.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply