By: Aine Grace Bravo | via DOH

MANILA, March 10, 2020 — Siyam ka bag-o nga kaso sang COVID-19 ang na-record sang Department of Health subong nga adlaw.

Suno kay DOH Assistant Secretary Maria Rosario Vergeire, 33 na ang kabug-usan nga coronavirus cases sa pungsod.

Ginkumpirmar ni Vergeire nga lakip sa bag-o nga mga kaso ang duha ka Filipino halin sa Diamond Princess cruise ship sa Japan nga naka-quarantine sa New Clark City.

Sa 13 ka bag-o nga kaso halin kagab-i, Marso 9, estable na ang kondisyon sang patients 21-24, asymptomatic ang patients 25-26 samtang gina-verify pa ang status sang patients 27-33.

Naka-confine ang bag-o nga mga positive patients sa Dr. Jose M. Rodriguez Memorial Hospital and Sanitarium sa Caloocan; Cardinal Santos Medical Center sa San Juan; San Lazaro Hospital sa Manila; St. Luke’s Medical Center Quezon City; New Clark City quarantine facility kag The Medical City sa Manila.

Padayon ang contact tracing sang DOH teams, samtang ginpanugyanan ni Vergeire ang publiko nga magsunod sa ila ginapatuman nga precautionary measures agud ma-contain ang virus.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.