JUST IN: Italy, ginpaidalum sa total lockdown bangud sa padayon nga paglapta sang COVID-19

By: JoMaque | Marso 10, 2020 | via Reuters

Ginpaidalum sa total lockdown ang bug-os nga Italy bangud sa padayon nga paglapta sang coronavirus disease sa amo nga pungsod.

Ini ang gin-anunsyar ni Italian Prime Minister Giuseppe Conte bilang dugang nga tikang kontra sa COVID-19.

Nagtimbuok sa 7,375 ang kaso sang COVID-19 sa Italy — masobra isa ka libo diri ang nadugang sa isa lang ka adlaw.

366 naman ang nagkalamatay, ang pinakamataas nga fatalities sa guwa sang mainland China.

Italy man ang pinakadaku nga outbreak sa Europe. Ginlaragway sang mga health officials nga daw pareho nga may “tsunami” sang mga pasyente sa mga ospital. 

Ang announcement ginhimo ni Conte a tunga man sang pag-riot sang mga preso sa 22 ka mga prisuhan.

May mga nagpalagyo kag may mga preso nga nag-kidnap sang mga opisyal sang bilangguan tubtub lubos nila nga natake over ang mga prisuhan bangud sa kaakig kasunod sang pagpatuman sang ban sa mga bisita.