By: Aine Grace Bravo | via Jeremae Ventar

ILOILO CITY, March 11, 2020 — Nagpaguwa sang duha ka executive order si Iloilo City Mayor Jerry Treñas agud hugtan pa ang mga tikang batuk sa COVID-19.

Sa Executive Order 47, ginmandu sang alkalde ang pag-self quarantine sang mga nagbiyahe halin sa mga pungsod nga apektado sang coronavirus disease ukon mga persons under monitoring.

Sa Executive Order 48 naman, ginpasuspender ni Treñas ang mga social events pareho sang barangay fiesta, mass gatherings, mga aktibidad sa public kag private schools, rallies kag kapareho nga mga aktibidad.

Gin-athag sang alkalde nga tuyo sang mga EOs nga maproteksyunan ang ikaayong lawas sang mga residente kag malikawan ang COVID-19.

Sa pinakaulihi nga record sang Department of Health tubtob kaina sang hapon, 49 na ang kumpirmado nga kaso sang COVID-19 sa pungsod. 16 ka bag-o nga kaso ang na-record subong nga adlaw suno kay DOH Assistant Secretary Maria Rosario Vergeire.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.