By: Aine Grace Bravo | WHO

GENEVA, Switzerland, March 12, 2020 — Gintawag na nga pandemic sang World Health Organization ang coronavirus disease (COVID-19).

Gin-anunsyar ini ni WHO chief Dr. Tedros Adhanom Ghebreyesus bangud sa padayon nga pagdamo sang kaso sang COVID-19 sa guwa sang China sa nakaligad nga duha ka semana.

Suno kay Dr. Tedros, nabalaka siya sa “alarming levels of inaction” agud ma-contain ang virus.

Ang pandemic amo ang paglapta sang balatian sa madamo nga pungsod sa pareho nga tiun.

Gin-athag naman ni Dr. Tedros nga wala nagbag-o ang advice sang WHO bisan pa gintawag na nga pandemic ang outbreak.

Nagpanawagan ang WHO sa mga gobyerno nga maghimo sang “urgent and aggressive action” agud indi na maglapta ang virus.

“Several countries have demonstrated that this virus can be suppressed and controlled,” suno kay Dr. Tedros.

“We’re in this together to do the right things with calm and protect the citizens of the world. It’s doable,” ang dugang nga pahayag ni Dr. Tedros.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.