Klase sa tanan nga level sa pampubliko kag pribado nga mga eskwelahan sa Iloilo City, ginkanselar ni Mayor Jerry Treñas halin Marso 16 tubtob 29 bilang precaution batuk sa COVID-19

By: Aine Grace Bravo | via Jeremae Ventar

ILOILO CITY, March 13, 2020 — Gin-anunsyar ni Iloilo City Mayor Jerry Treñas nga kanselado ang klase sa tanan nga level sa pampubliko kag pribado nga eskuwelahan sa siyudad sang Iloilo halin Marso 16 tubtub Marso 29 bilang precautionary measure batok sa coronavirus disease.

Kasunod ini sang pagpakigsapol sang alkalde sa mga konsehal, taga-Department of Education, mga department heads kag Philippine National Police subong nga adlaw.

Ginpahayag ni Treñas nga dako ang chansa nga ma-infect ang estudyante kun may infected nga tawo sa eskwelahan bangud imposible nga mapatuman ang social distancing.

“We will talk to DepEd this morning but immediately after our conference, I will be issuing an executive order nga tanan nga eskuwelahan pasira ta,” suno sa alkalde sa interview sa iya sa programa Aksyon Hotline.