By: JoMaque | Marso 14, 2020

Iloilo — Nag-self quarantine si Carles Mayor Seigfred Betita matapos nagtambong sa League of Municipalities of the Philippines (LMP) general assembly sa Metro Manila.

Ginakabig ni Betita ang iya kaugalingon nga person under monitoring sa coronavirus disease (COVID-19) sang hinali nga nagdamo ang kaso kag gindeklarar ang state of public health emergency sa pungsod sang Marso 11.

Wala na naga-report sa munisipyo si Betita umpisa Marso 12 kag ginadala na lang sa iya balay ang mga ginapirmahan nga papeles.

Ginaplano man ni Betita nga pasiraduhan ang tourist destination sa Isla Gigantes kun padayon nga magadamo ang PUMs sa probinsya.

May 144 ka PUMs sa probinsya as of Marsh 13 base sa record sang Hospital Management Office.

Si Betita ang nagtambong sa LMP-Iloilo Chapter meeting kahapon upod kay Governor Arthur Defensor Jr. sa diin gin-istoryahan ang mga pagpanghanda sang probinsya sang Iloilo batok sa COVID-19.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply