By: Aine Grace Bravo | via DOH

MANILA, March 14, 2020 — 34 ka bag-o nga COVID-19 cases ang gin-report sang Department of Health, nga nagdala sa 98 sang kabug-usan nga kumpirmado nga kaso sa pungsod.

Gin-anunsyar ini ni DOH Undersecretary Ma. Rosario Vergeire sa labing una nga virtual press conference sang ahensya kaina sang hapon.

Suno kay Vergeire, ginatipon kag gina-validate pa sang ila teams ang mga detalye sa patients 65 tubtob 98. Nagpasalig ang opisyal nga ipaguwa nila sa publiko ang tanan nga impormasyon kun ma-verify na.

Nagpanawagan si Vergeire sa publiko sang kooperasyon agud mahagan-hagan kag mapunggan ang paglapta sang balatian.

Ginpabutyag ni Vergeire nga ginarisgu sang mga frontline health workers kag medical personnel ang ila safety agud matatap ang kinahanglan sang publiko, pero ginahingyo ang pumuluyo nga mag-practice sang preventive measures, magpa-idalum sa home quarantine kun maka-experyensya sang mild symptoms kag magbulig sa pagtapna sang fake news.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.