By: JoMaque | Marso 14, 2020

Gindeklarar sang World Health Organization nga Europe na ang bag-o nga epicenter sang COVID-19 pandemic kasunod sang paghinay sang mga kaso sa China.

 Base sa record, mas madamo nga kaso ang gina-report halin sa mga pungsod sa Europe pareho sang Italy kada adlaw suno kay WHO Director-General Dr. Tedros Adhanom Ghebreyesus.

Mierkules sang gindeklarar sang WHO officials nga global pandemic ang COVID-19 bangud sa padayon nga paglapta sang virus sa iban pa nga pungsod sa Asya kag Europ, Middle East kag Estados Unidos. 

Halos tatlo ka bulan ang nakaligad, una nga nalapta ang virus sa Wuhan, China. Pero sang Huwebes, 26 ka bag-o nga kaso lang ang na-record sa China samtang gulpi nga nagdamo ang kaso sa Europe.          

Base sa data sang WHO, masobra na 132 ka libo halin sa 123 ka pungsod kag territories ang apektado sang COVID-19 nga may lima ka libo ka napatay.

Ang Italy ang may pinakamadamo nga kaso sa guwa sang China nga may 15,113 infections; ginasundan sang Spain nga may 4,334; Germany nga may 3,156 kag France nga may 2,882.

May 1,125 ka kaso sa Switzwerland, 809 sa Sweden, 804 sa the Netherlands kag 788 sa Denmark. May 1,701 ka kaso naman sa US.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply