By: JoMaque | Marso 14, 2020

Iloilo City — Gindeklarar sang korte nga ‘null and void’ ukon indi balido ang franchise sang South Balibago Water Resources, Inc. nga gin-grant sang city council sang 2016.

Ini ang ginkumpirmar ni Atty. Roy Villa, legal counsel sang Metro Iloilo Water District.

Suno kay Atty. Villa, napamatud-an sa desisyon sang Branch 37 sa Regional Trial Court ang ila posisyon nga wala sang otoridad ang Local Government Unit sa pagpasar sang ordinansa nga naga-grant sang franchise para sa water distribution.

Masapol pa ang board sang MIWD sa ila mangin masunod nga tikang.

Lakip sa mga options sang board ang pagpasaka sang kaso sa mga city officials nga nag-grant sang franchise suno kay Atty. Villa.

Ang National Water Resources Board ang may jurisdiction sa pag-grant sang Certificate of Public Convenience para sa pribado nga water utilities sa pag-operate kag maintain sang water supply system.

PAANO ANG OPERATION?

Sa pihak sang desisyon sang korte, makapadayon sa pag-distribute sang water supply sang SBWR sa porsyon sang Jaro.

Suno kay Atty. Villa, gin-note sang korte nga may Certificate of Public Convenience nga gin-grant ang NWRB sa SBWR.

Ginakuhaan pa sang Aksyon Radyo Iloilo sang pahayag ang SBWR natuhoy diri.

Magluwas sa SBWR, nagpasar man samg ordinansa ang city council sang 2019 nga nag-grant sang prangkisa sa Prime Water bilang rivate water distributor sa syudad.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply